काठमाडौंमा बालेन र भरतपुरमा रेनुको अग्रता
नेपालआईजकाठमाडौं महानगरपालिकाको प्रमुख पदका स्वतन्त्र उम्मेदवार बालेन्द्र साह ‘बालेन’ ले प्रतिस्पर्धीलाई फराकिलो मतले पछाडि पारेका छन् । मुख्य निर्वाचन अधिकृत कार्यालयको पछिल्लो मतगणना अनुसार बालेनले दिउँसो १ बजे सम्मको अपडेटमा ९४० मतले अग्रता लिएका छन् ।
उनले २१३९ मत ल्याएका छन् । यस्तै एमलेका उम्मेदवार केशव स्थापितको ११९९ मत मात्रै छ । गठन्धनको तर्फबाट नेपाली कांग्रेसकी उम्मेदवार सिर्जना सिंह १०५७ मत पाप्त गर्दै तेस्रो स्थानमा छिन् । काठमाडौं महानगरको उप उपप्रमुख पदमा भने एमालेकी उम्मेदवार सुनिता डंगोलल लोकप्रिय मत ल्याइरहेकी छिन् ।
पछिल्लो मतगणना अनुसार डंगोलले २२३२ मत ल्याएकी छन् । उनका प्रतिस्पर्धी गठबन्धनका तर्फबाट नेकपा एकीकृत समाजबादीका उम्मेदवार रामेश्वर श्रेष्ठले ६४७ मत मात्रै पाएका छन् ।
भरतपुरमा रेनुको अग्रता
भरतपुर महानगरपालिकामा नेकपा माओवादी केन्द्र प्रमुख पदकी उम्मेदवार रेनु दाहालले आग्रता कायमै राखेकी छन् । पाँच दलीय गठबन्धनको तर्फबाट उम्मेदवार रहेकी दाहालले १ हजार ३ सय ७२ मत प्राप्त गरेकी छन् । दाहालसँग प्रतिस्पर्धामा रहेका विजयी सुवेदीले १ हजार ३ सय ५ प्राप्त गरेका छन् ।
स्वतन्त्र उम्मेदवार जगन्नाथ पौडेलले ४७० मत प्राप्त गरेको छन् । उपप्रमुखमा गठबन्धनकै नेपाली कांग्रेसका चित्रसेन अधिकारीले एक हजार ३६२ मत पाएकी छन । उनको प्रतिस्पर्धी एमालेसहितको गठबन्धनकी हिमला गुरुङले ८७७ मत पाएका छन् ।
