नेपाल । नेपालका लागि युरोपेली संघकी राजदूत नोना डेप्रेजले राष्ट्रपति रामचन्द्र पौडेलसँग भेट गर्नुभएको छ । मंगलबार राष्ट्रपति भवन शीतल निवासमा राजदूत डेप्रेजले राष्ट्रपति पौडेलसँग बिदाइ भेट गरेको राष्ट्रपति पौडेलको सचिवालयले जनाएको छ ।

भेटका क्रममा राष्ट्रपति पौडेल र राजदूत डेप्रेजबीच नेपाल–ईयूबीचको द्विपक्षीय सम्बन्ध र सहकार्यका विषयमा छलफल भएको छ ।

त्यस्तै, राष्ट्रपति पौडेलले युरोपियन युनियनले नेपालमा वातावरणमैत्री, समावेशी र समातामूलक विकासका लागि गरेको सहयोगका लागि राजदूत डेप्रेजलाई धन्यवाद दिनुभएको थियो ।