अस्ट्रेलिया – Financial Action Task Force (FATF) ले नेपाललाई उच्च-जोखिमयुक्त देशहरूको सूचीमा राखेको छ। फेब्रुअरी २०२५ मा सम्पन्न बैठकपछि सार्वजनिक गरिएको सूचीअनुसार नेपाल र लाओस अब कडा निगरानीमा रहनेछन्।

FATF का अनुसार, नेपालमा मनी लन्डरिङ (AML) र आतंकवादी वित्तीयकरण (CTF) नियन्त्रणका उपायहरू कमजोर भएकाले थप अनुगमन आवश्यक भएको हो। नेपालले वित्तीय कारोबार पारदर्शी बनाउन तथा नियमन सुधार गर्नुपर्ने देखिएको छ।

नयाँ अद्यावधिक सूचीअनुसार, नेपाल र लाओसलाई ‘ग्रे सूची’ मा राखिएको छ भने फिलिपिन्सलाई सुधारका कारण उक्त सूचीबाट हटाइएको छ। तर, इरान, उत्तर कोरिया, र म्यानमार भने अझै पनि उच्च-जोखिम सूचीमै रहेका छन्।नेपाल उच्च-जोखिम सूचीमा परेपछि विदेशी लगानी, अन्तर्राष्ट्रिय बैंकिङ कारोबार, तथा वित्तीय लेनदेनमा कडाइ हुनसक्छ। FATF ले वर्षमा तीन पटक—फेब्रुअरी, जुन, र अक्टोबर मा—सूची पुनरावलोकन गर्ने भएकाले नेपालले सुधार नगरेसम्म सूचीबाट हट्न कठिन हुनेछ।