पश्चिम अष्ट्रेलियामा समावेशी टिमको प्रतिनिधित्व गर्दै सुनिल श्रेष्ठको संयोजक पदमा उम्मेदवारी घोषणा
पर्थपर्थ । गैरआवासीय नेपाली संघ अष्ट्रेलियाको चुनावमा पश्चिम अष्ट्रेलियाका लागि राज्य संयोजक पदमा सुनिल श्रेष्ठले आफ्नो उम्मेदवारी घोषणा गरेका छन्। लामो समयदेखि नेपाली समुदायसँग प्रत्यक्ष रुपमा जोडिएर काम गर्दै आएका श्रेष्ठले समावेशी टिमको प्रतिनिधित्व गर्दै संयोजक पदमा उम्मेदवारी घोषणा गरेका हुन्।
श्रेष्ठको उम्मेदवारीलाई सन्तोष कुँवर नेतृत्वको टिमप्रति प्रत्यक्ष चुनौतीका रूपमा हेरिएको छ। ‘एकताबद्ध, सशक्त र संस्कृतिपूर्ण नेपाली समुदाय’ निर्माण गर्ने लक्ष्यसहित उनी चुनावी मैदानमा उत्रिएका हुन्।
प्रतिबद्धता
विद्यार्थी तथा नयाँ आगमनलाई सहयोग
कन्सुलर सेवा पहुँचमा सुधार
नेपाली मन्दिर तथा सामुदायिक केन्द्रलाई निरन्तर सहयोग
रोजगारी, व्यवसाय र युवालाई सशक्तिकरण
मानसिक स्वास्थ्य र घरेलु हिंसाविरुद्ध सहयोग
संस्कृति तथा समुदायको उत्सव
पारदर्शी र समावेशी नेतृत्व
नेपाली खाना तथा संस्कृति महोत्सवमार्फत स्थानीय व्यवसाय प्रवर्द्धन
किन म ?
म वेस्टर्न अष्ट्रेलियामा नेपाली समुदायसँग लामो समयदेखि नजिकबाट काम गर्दै आएको छु — सुन्दै, सहयोग गर्दै, र जसलाई आवश्यक पर्यो, उनीहरूको साथमा उभिँदै।
मैले हाम्रो समुदायलाई विस्तार हुँदै गएको देखेको छु र हामीले भोगिरहेका वास्तविक चुनौतीहरू राम्ररी बुझेको छु — अन्तर्राष्ट्रिय विद्यार्थीहरू नयाँ जीवनमा समाहित हुने संघर्षदेखि, कन्सुलर सेवाको आवश्यकता भएका परिवारहरू, र संवाद तथा सांस्कृतिक पहिचान खोजिरहेका ज्येष्ठ नागरिक तथा युवासम्म।
मसँग अनुभव, सम्बन्ध सञ्जाल र सेवा गर्ने प्रतिबद्धता छ।
म काममा विश्वास गर्छु, शब्दमा होइन। एकता चाहन्छु, विभाजन होइन।
मसँग स्पष्ट दृष्टिकोण र व्यवहारिक लक्ष्यहरू छन्, जसले सिधा रूपमा हाम्रो समुदायलाई फाइदा पुर्याउँछ।
यो पद मेरो लागि केवल उपाधि होइन, यो जिम्मेवारी हो, जुन म इमानदारी, पारदर्शिता र समर्पणका साथ निभाउन तयार छु, श्रेष्ठले आफ्नो चुनावी प्रतिबद्धतामा उल्लेख गरेका छन्।
