नेपाल प्रहरीले सार्वजनिक गर्यो पहिचान नखुलेका शवहरूको विवरण, आफन्त हराएका परिवारलाई हेर्न आग्रह
नेपालआईजकाठमाडौं — नेपाल प्रहरीले देशका विभिन्न स्थानमा फेला परेका तर हालसम्म सनाखत हुन नसकेका शवहरूको विवरण अनलाइनमार्फत सार्वजनिक गरेको छ।
प्रहरीको Unidentified Dead Bodies (UDB) पोर्टलमा शव फेला परेको स्थान र मिति, अनुमानित उमेर, लिङ्ग, हुलिया, कपडा तथा अन्य पहिचानयोग्य विवरण राखिएका छन्। आफन्त वा परिवारका सदस्य हराइरहेका व्यक्तिहरूले उक्त विवरण हेरेर पहिचानमा सहयोग गर्न सक्ने प्रहरीले जनाएको छ।
पोर्टलमा केही संवेदनशील तस्बिरसमेत समावेश हुन सक्ने भएकाले विवरण हेर्दा सावधानी अपनाउन अनुरोध गरिएको छ। कुनै विवरण हराइरहेका आफन्तसँग मिल्दोजुल्दो देखिएमा सम्बन्धित प्रहरी कार्यालयमा सम्पर्क गरी आधिकारिक पहिचान प्रक्रिया अगाडि बढाउन सकिनेछ।
नेपाल प्रहरीको पोर्टलमा पहिचान नखुलेका शवसँगै हराइरहेका व्यक्तिहरूको विवरण तथा सम्पर्कसम्बन्धी जानकारी पनि उपलब्ध छ।
आफन्त हराइरहेका परिवार तथा सर्वसाधारणले नेपाल प्रहरीको पहिचान नखुलेका शवहरूको आधिकारिक सूची हेर्न सक्नेछन्।
सम्पर्क:
- प्रहरी कन्ट्रोल: १००
- टोल फ्री नम्बर: १६६००१४१५१६
- केन्द्रीय अनुसन्धान सम्पर्क: ०१–४४१२७४८
- इमेल: cicu@nepalpolice.gov.np
नोट: तस्बिर वा विवरण सामाजिक सञ्जालमा जथाभावी प्रचार नगरी सम्बन्धित परिवार र प्रहरीलाई मात्र जानकारी दिनु उपयुक्त हुन्छ।
