सिड्नी । 

अस्ट्रेलियाको प्रोपर्टी  बजार बढ्दो क्रममा रहेपनि अस्ट्रेलियाको प्रत्येक राज्य र क्षेत्रहरुमा २० प्रतिशत निक्षेपमा १ लाख डलर वा कम मूल्यका घरहरु किन्न सम्भव भएको छ । 

धित्तो दलाल अस्सीले सार्वजनिक गरेको नयाँ तथ्यांक अनुसार अस्ट्रेलियामा ३ हजार ९ सय ६० उपनगरहरु रहेका छन् । जहाँ  खरिदकर्ताले २० प्रतिशत भन्दा माथिको निक्षेप राखेर निशुल्क घर किन्न सक्ने तथा ऋणदाता धित्तो बीमाबाट समेत बच्न सक्ने छन् ।

प्रत्येक राज्य वा क्षेत्रको लोकप्रियता अनुसार क्रमश, सम्भावित वनरहरुले  एक लाख डलर वा सो भन्दा कम जम्मा गरेर न्यू साउथ वेल्सको बक्स हिल, भिक्टोरियाको हाइडेलवर्ग वेस्ट र क्वीन्सल्यान्डको क्यारिना जस्ता स्थानमा सम्पती जोड्न सक्छन् ।

पहिलो घर खरिदकर्ताहरुले प्रायजसो घर खरिद गर्ने सबैभन्दा गाह्रो काम भनेको निक्षेपका लागि बचत गर्नु रहेको गुनासो गर्नेगर्छन, जुन अधिकांश परिस्थितिमा खरिद गरिएको सम्पतिको धित्तो सेवा प्रदान गर्नुभन्दा बढी गाह्रो काम हो ।

अस्सी डिस्ट्रीब्यूटरका सीईओ ब्राड क्राम्बले ऋणदाता धित्तो बीमाबाट बच्न आवश्यक २० प्रतिशत जम्मा नगर्ने पहिलो पटक खरिदकर्ताहरुका लागि विकल्पहरु रहेको बताए ।

क्राम्बका अनुसार घर खरिदकर्ताहरुका सधै २० प्रतिशत धित्तो आवश्यक नरहेको तथा यसका लागि ४ वा १० प्रतिशतमा ऋणको विकल्पहरु रहेको तथा यसका लागि ग्यारेन्टीमा बस्ने व्यक्तिको आवश्यकता पर्ने गर्छ । यसका लागि सरकारको फस्ट होम लोन डिफोजिट स्कीम रहेको छ ।

अस्सीको तथ्यांक अनुसार विगत १२ महिनामा पाँचमध्ये एकजनाले एलएमआईमार्फत घर ऋण सुरक्षित गरेका छन् र उनीहरु चाडै घरको मालिक बन्नेछन् ।

केही बैंक तथा ऋणदाताहरुले एलएमआई छुट वा विशेष प्रस्ताव पनि गर्ने गरेका छन् र केही पेशाहरुका लागि तिनीहरुले एलएमआई माफ समेत गर्ने गरेका छन् । यो एउटा विकल्पको रुपमा हुन सक्छ ।