होबार्ट ।  तास्मानियाको होबार्ट निवासी  एम एस अग्रजद्वारा निर्देशित लघू चलचित्र  ‘अकारण’  वाईड एंगल  सिनेमा हल होबार्टमा  सेप्टेम्बर १६ देखि  प्रदर्शन  आउने भएको छ । चलचित्रका मुख्य कलाकारहरूद्वारा  होबार्टमा आयोजित एक पत्रकार सम्मेलनमा   लघु चलचित्र अकारणको पोस्टरहरू सार्वजनिक गरिएको थियो । उक्त चलचित्र आगामी १६ सेप्टेम्बरमा  वाईड एंगल  सिनेमा हल होबार्टमा विशेष प्रदर्शन गरिने मुख्य कलाकारहरुले जानकारी दिए ।  पत्रकार सम्मेलनमा  चलचित्रका मुख्य कलाकार निखिला बुढाथोकी, क्यामेरा म्यान श्रीराम अर्याल र चलचित्र निर्देशक एम एस अग्रजको उपस्थिति रहेको थियो। 

उक्त कार्यक्रममा  एनआरएनए तास्मानियाका संयोजक राकेश शाक्य,समाजसेवी पुनम पन्त लगायतले चलचित्रको सफलताको शुभकामना दिएका थिए ।  चलचित्रले घरेलु हिंसापीडित महिलाको मानसिक अवस्थाको चित्रण  गरेको निर्देशक एम एस अग्रजले बताए ।  

 चलचित्रमा प्रस्तुति विचित्र फिल्मको रहेको छभने गुड जब आर्टसको सहप्रस्तुतीकरण रहेको छ । चलचित्रको लेखन तथा  निर्देशन एमएस अधिकारीले गरेका छन भने पटकथा संवाद  निर्माता केश पाण्डे हुन् । त्यस्तै गरी  निर्माण व्यवस्थापनमा  सरोज शर्मा,छाँयांकन श्रीराम अर्याल, पार्श्व सङ्गीत शैलेश श्रेष्ठ,शृङ्गार सुनिल पराजुली र प्रचार सामग्री/ पोस्टर डिजाइन महेश श्रेष्ठले छन् । चलचित्रको कलाकारहरूमा  निखिला बुढाथोकी,कुशल आचार्य,सामु उप्रेती र सुनिल पराजुली रहेका छन् ।