न्यूज डेस्क 

अस्ट्रेलियन एज्ड केयर कोलावोरेसनले स्वास्थ्य मन्त्री गे्रग हन्ट र वृद्ध हेरचाह सेवा मन्त्री रिचर्ड कोलबेकलाई वृद्ध हेरचाह गर्नेहरुका लागि विशेष भिषा सिर्जना गर्न आग्रह गर्दै पत्राचार गरेको छ ।

विशेष भिषा सिर्जना गरी वृद्ध हेरचार गर्ने कामदारहरुलाई दक्ष पेशाहरुको सूचीमा राख्न तथा उनीहरुलाई अहिलेको आप्रवासन प्रतिवन्धहरु बाइपास गर्न अनुमति दिनका लागि पत्राचार गरिएको हो ।

“हामीलाई आप्रवासनका अवरोधहरु हटाउन आवश्यक छ । वास्तवमै हामीलाई ढोका खुल्ला राख्न पर्याप्त कामदारहरु पाउन संघर्ष गरिरहेका छौ,” पत्रमा हस्ताक्षर गरेका एज्ड एण्ड कम्युनिटी सर्भिस   अस्ट्रेलियाका  प्रमुख कार्यकारी पल साडलरले बताए ।

एज्ड सर्भिसेज  अस्ट्रेलियका प्रमुख कार्यकारी सिन रुनीले साडलरको समर्थन गर्दै वृद्ध हेरचाहको लागि विशेष कार्यक्रमले उपयुक्त दक्ष तथा सक्षम मानिसहरुलाई भर्न गर्न सक्षम बनाउने बताए ।

एक व्यान्ड–एड समाधान ?

वृद्ध हेरचाह क्षेत्रमा कर्मचारी अभाव लामो समयदेखिको समस्या हो, जसलाई विशेषज्ञहरुले कम तबल  र कमजोर प्रशिक्षणको परिणाम स्वरुप भएको विश्वास गर्छन ।

विगत १८ महिनामा कोभिड–१९ क्वारेन्टाइन र खोप लगाउन अस्वीकार गर्ने कर्मचारीहरुको पलायनले ल्याएको कर्मचारी अभावका कारण काम गरिरहेका अहिलेका कर्मचारीहरुमाथि अझ बढीको भार थपिदिएको छ ।

अहिलेका वृद्ध हेरचार कर्मचारीहरुको निराशाको प्रमाण एज्ड केयर वाचको वेबसाईटमा चित्रण गरिएको छ । जसले अस्टे«लियाका वृद्ध हेरचाह गृहहरुमा चार महिनामै अपूर्ण शिफ्ट र कम कर्मचारीलाई लिएर करिब ४ हजार अज्ञात प्रतिवेदनहरु प्राप्त गरेको छ ।

हेल्थ सर्भिस युनियनका राष्ट्रिय अध्यक्ष जेरार्ड हायेसले ‘चरम’ कर्मचारी अभावको निरन्तर रिपोर्टिङले आफ्ना सदस्यहरुको अवस्था सुधार गर्न केही नगरेको बताए ।

“हामीसंग अझै पनि दिगो कोष वा कर्मचारी समायोजन भएको छैन जसले यस उद्योगको संकटबाट बाहिर निकाल्छ । कर्मचारी प्रदायकहरु ज्याला बढाउनु भन्दा अस्थायी भिसामा कामदारहरु आयात गर्नमा बढी रुची देखाउछन्,” हायेसले भने ।

प्रोफेसर इगरले वृद्ध हेरचाह क्षेत्रको उच्च कारोबार दर र पर्याप्त कर्मचारीहरु आकर्षित गर्न असक्षमताको मुख्य कारणको रुपमा खराब तलब र अवस्था रहेको बताईन ।

हालसाथै वृद्ध हेरचाह सेवा मन्त्री रिचर्ड कोलबेकले संघीय सरकारले स्वास्थ्य र वृद्ध हेरचाह क्षेत्रका कर्मचारीहरुमा थप दबाबलाई पहिचान गरेको तर उच्च खोप दर र सीमा खोल्दा दबाब कम हुने विश्वास व्यक्त गरे ।