अस्ट्रेलिया । अस्ट्रेलियामा एक महिलालाई १.२ मिलियन डलर मनी लन्ड्रिङ र ठगी सिन्डिकेटमा सन्लग्न रहेको आरोप लगाइएको छ।

जुलाई २०२२ मा क्याम्प्सी पुलिस एरिया कमाण्डका अधिकारीहरूले टेलिफोन घोटाला र मनी लन्ड्रिङका रिपोर्टहरू अनुसन्धान गर्न स्ट्राइक फोर्स आर्टल स्थापना गरेका थिए ।

अनुसन्धानका क्रममा उनीहरूले क्याम्पसीमा ६ फेब्रुअरी २०२३ मा एक २७ वर्षीय व्यक्तिलाई गिरफ्तार गरे र उनीमाथि अपराध गरी ५ हजार डलर कमाएको आरोप लगाइएको थियो ।

उनलाई कडा सशर्तमा जमानत दिइएको थियो र उनी आज सिंगलटन स्थानीय अदालतमा पुन: हाजिर हुने छन् । थप सोधपुछ पछि, स्ट्राइक फोर्सका छानबिनकर्ताहरूले हिजो २४ मे २०२३ मा सिड्नीको जर्ज स्ट्रीटको एक कार्यालयबाट ३६ वर्षीया महिलालाई गिरफ्तार गरे ।

उनलाई डे स्ट्रिट पुलिस स्टेशनमा लगियो, जहाँ उनलाई १ लाख डलरभन्दा बढीको अबैध सम्पत्तिको कारोबार गरेको आरोप लगाइएको थियो । पुलिसले अदालतमा महिलाले झुटो र चोरीको परिचय प्रयोग गरी विभिन्न माध्यमबाट १२ मिलियन डलर ठगी गरेको आरोप लगाएको छ ।