सिड्नी| अष्ट्रेलियामा क्रिप्टोकरेन्सी एटीएमको दुरुपयोग बढ्दै गएपछि प्रहरीले ९० भन्दा बढी अष्ट्रेलियाली नागरिकसँग सम्पर्क गर्दै ठगी तथा आपराधिक कारोबारमा संलग्नताको शंका गरिएको छ।

सामान्य एटीएमझैं देखिने यी क्रिप्टो एटीएम ले नगदलाई डिजिटल मुद्रामा रूपान्तरण गर्न मद्दत गर्छन्। माया, जागिर, लगानी वा छिटो फाइदा हुने प्रलोभन देखाउँदै ठगहरूले पीडितलाई हजारौं डलर यिनै मेशिनमार्फत पठाउन बाध्य पारिरहेका छन्।

२०१९ मा केवल २३ वटा क्रिप्टो एटीएम रहेका अष्ट्रेलियामा अहिले १,८०० भन्दा बढी जडान भइसकेका छन्। यसैक्रममा AUSTRAC ले उच्च जोखिममा रहेका प्रयोगकर्ताहरू पहिचान गर्दै उनीहरूलाई ठगीबाट जोगाउन प्रहरीको सहायता दिइरहेको छ।

ठगीमा करोडौंको कारोबार

AUSTRAC का अनुसार, वार्षिक करिब २७५ मिलियन डलर क्रिप्टो एटीएममार्फत कारोबार भइरहेको छ, जसको ठूलो हिस्सा ठगीसँग सम्बन्धित देखिएको छ।

पछिल्लो महिना मात्र सयौं हजार डलर गुमाएका व्यक्तिहरू प्रहरीको सम्पर्कमा आएका छन्। उनीहरूलाई शिक्षामूलक सामाग्री, सचेतनामूलक सूचना र थप ठगी रोक्न आवश्यक सहयोग प्रदान गरिएको छ।

व्यवसाय र स्थलहरूलाई पनि चेतावनी दिइएको छ, जसले यस्ता एटीएम होस्ट गर्छन्, कि प्रयोगकर्तालाई सुरक्षित राख्न उनीहरूको भूमिका महत्त्वपूर्ण छ।

सचेत रहनुहोस्

यदि कोही व्यक्ति, संस्था वा सरकारी निकायले तपाईंलाई क्रिप्टो एटीएम प्रयोग गरेर रकम पठाउन आग्रह गर्छ भने, तपाईं ठगिँदै हुनुहुन्छ।
रकम नपठाउनुहोस्। तुरुन्त सम्पर्क विच्छेद गर्नुहोस् र रिपोर्ट गर्नुहोस् !