डार्विन | अष्ट्रेलियाको उत्तरी क्षेत्रमा नेपाली समुदायको सेवामा विगत लामो समयदेखि सक्रिय भवानी पौडेल, गैर-आवासीय नेपाली संघ नर्दन टेरिटोरीका लागि राज्य संयोजक पदमा आफ्नो एजेण्डा र टिम सहित चुनावी अभियानमा सक्रिय भएका छन्। समुदायको हरेक आवश्यकता र समस्यामा सधैं साथ दिने प्रतिबद्धता र भावी योजनासहित पौडेल चुनावी मैदानमा छन् । 

को हुन् पौडेल ?

सन् २०१४ मा अष्ट्रेलिया आएदेखि नै नेपाली समुदायसँग मन, वचन र कर्मले जोडिएका भवानी पौडेल NRNA-NSW (२०१९–२१) को कार्यसमिति सदस्य र हाल NRNA-NT का उप-संयोजक हुन्।
उनले भने, “मैले सधैं युवा साथीहरू, सहकर्मीहरू, सामुदायिक परियोजनाहरू र हाम्रो पहिचानको संरक्षण गर्दै एकतालाई प्रवर्द्धन गर्दै आएको छु र यी काम गर्न म कुनै पनि कसर बाँकी राख्दिन।”

उनको भनाइमा, “NRNA-Northern Territory केवल संस्था नभई यो हाम्रो सामुदायिक घर हो, जहाँ भाषा, संस्कृति, मूल्य–मान्यता र भविष्यका पुस्ताको संरक्षण र प्रवर्द्धन हुन्छ।” उनी उत्तरी क्षेत्रका सरकारका सदस्य, कर्मचारी, प्रतिपक्षी दल र बहुसांस्कृतिक समुदायसँग निरन्तर सहकार्य गर्दै आएका छन्।
पौडेल भन्छन्, “मेरो यात्रा समुदाय सशक्त बनाउने, युवा ऊर्जालाई एकताबद्ध गर्ने, सुख–दुःखमा साथ दिने, महिला नेतृत्वलाई सहयोग गर्ने, हाम्रा बालबालिका र भविष्यका पुस्तालाई प्रोत्साहित गर्ने र NT मा सम्मानित नेपाली उपस्थिति निर्माण गर्ने साझा उद्देश्यका साथ अघि बढेको छ।”

पौडेलको चुनावी एजेन्डा

सामुदायिक पहिचान र संस्थागत सुदृढीकरण

• NT सरकारसँग सहकार्य गरी नेपाली सामुदायिक भवन निर्माण प्रक्रिया सुरु गर्ने।

• नेपाली बासिन्दाहरूका लागि दीर्घकालीन अवसर र कल्याण सुनिश्चित गर्ने रणनीति तयार गर्ने।

युवा र बालबालिकामैत्री कार्यक्रमहरू

• Kids Picnic, सांस्कृतिक आदानप्रदान दिवस जस्ता शैक्षिक तथा रमाइला कार्यक्रमहरू।

• नयाँ अन्तर्राष्ट्रिय विद्यार्थी र आप्रवासीहरूका लागि Welcome Orientation Program।

• दोस्रो पुस्ताका युवाहरूलाई समुदाय र संस्कृतिमा आधारित परियोजनामा संलग्न गराउने।

परिवार र खेलकुद–केन्द्रित गतिविधिहरू

• पहिलोपटक Family-Oriented Sports Week आयोजना।

• चाडपर्व, संगीत र सांस्कृतिक कार्यक्रमहरूद्वारा एकता र सद्भावको प्रवर्द्धन।

सांस्कृतिक समावेशिता र विविधताको सम्मान

• Intercultural & Ethnic Exchange Events आयोजना।

• Nepal Festival NT लाई समावेशी र राज्य–मान्यता प्राप्त बहुसांस्कृतिक उत्सवमा रूपान्तरण।

संस्थागत क्षमता विकास र सहकार्य सुदृढीकरण

• सामाजिक कल्याण समितिलाई सशक्त र स्रोत–सम्पन्न बनाउने।

• स्थानीय सरकार, बहुसांस्कृतिक निकाय, र अन्य नेपाली संघ–संस्थासँग सहकार्य विस्तार।

• क्याथरिन, एलिस स्प्रिंग्स, टेनन्ट क्रिकका प्रतिनिधिसहित क्षेत्रीय उपसमिति गठन।

नेपालसँगको सम्बन्ध सुदृढीकरण

• नेपालसँगको सांस्कृतिक र मानवीय सम्बन्ध प्रवर्द्धन।
• शिक्षा, विपद् राहत र सामाजिक कार्यहरू मार्फत योगदान पुर्‍याउने थप मार्गहरू निर्माण।

उनले भने ,मेरो पुरै टिमसहित म समुदायमा जाँदैछु “तपाईंको विश्वास, भोट र सुझावका साथ, म इमान्दारी, पारदर्शिता, जोश र साझा दृष्टिकोणसहित नेतृत्व गर्न तयार छु।”  एनआरएनए अष्ट्रेलियाको चुनाव आगामी जुलाई २६ मा हुँदैछ ।