क्यानबेरामा भुटानी मूलका चार वर्षीय बालकको कार दुर्घटनामा मृत्यु
नेपालआईजक्यानबेरा — अष्ट्रेलियाको राजधानी क्यानबेरामा भुटानी मूलका एक चार वर्षीय बालकको कार दुर्घटनामा दुःखद निधन भएको छ। आईतबार सपिङ् सेन्टरको कारपार्कमा दुर्घटना भएको थियो ।
दुर्घटनामा गम्भीर घाइते भएका बालकलाई तत्काल आपतकालीन सेवाले अस्पताल पुर्याए पनि चिकित्सकले मृत घोषणा गरेका थिए। दुर्घटनाका कारण र परिस्थितिबारे प्रहरीले अनुसन्धान गरिरहेको जनाएको छ।
अस्थायी आवासीय भिसामा रहेका बालकका अभिभावकहरू यस घटनापछि गहिरो पीडामा छन्। विस्तारित परिवार अष्ट्रेलियाबाहिर रहेकाले अन्त्येष्टि व्यवस्थापन र आकस्मिक खर्चले परिवार थप संकटमा परेको बताइएको छ।
घटनाप्रति दुःख व्यक्त गर्दै अष्ट्रेलिया–भुटान संघ क्यानबेराले शोकसन्तप्त परिवारलाई सहयोग गर्न समुदायसँग अपिल गरेको छ।
यसरी सहयोग गर्न सक्नुहुन्छ ।
𝐁𝐒𝐁 – 𝟎𝟔𝟐𝟗𝟐𝟒
𝐀𝐜𝐜𝐨𝐮𝐧𝐭 𝐧𝐮𝐦𝐛𝐞𝐫 – 𝟏𝟎𝟏𝟗𝟎𝟒𝟎𝟔
𝐍𝐚𝐦𝐞: 𝐀𝐮𝐬𝐭𝐫𝐚𝐥𝐢𝐚-𝐁𝐡𝐮𝐭𝐚𝐧 𝐀𝐬𝐬𝐨𝐜𝐢𝐚𝐭𝐢𝐨𝐧 𝐨𝐟 𝐂𝐚𝐧𝐛𝐞𝐫𝐫𝐚
