ब्रिसबेन –क्विन्सल्याण्ड राज्यकी पूर्व मुख्यमन्त्री अन्नास्टेसिया पलास्चुक अहिले शैक्षिक भूमिकामा सक्रिय बनेकी छिन्। उनी हाल युनिभर्सिटी अफ क्विन्सल्याण्डमा पहिलो वर्षका विद्यार्थीहरूलाई “The Art of Government” विषयमा अध्यापन गराउँदैछिन्।

राजनीतिक जीवनको लामो अनुभवलाई शिक्षामा रूपान्तरण गर्दै, पलास्चुकले अब नयाँ पुस्तालाई शासन प्रणाली, लोकतान्त्रिक नेतृत्व र सार्वजनिक नीतिका विषयमा गहिरो ज्ञान बाँड्ने काम थालेकी हुन्।

दशकभन्दा बढी समयसम्म राजनीति र नेतृत्वमा सक्रिय रहेकी पलास्चुकले हालै मात्र मुख्यमन्त्रीको पदबाट राजीनामा दिएकी हुन्। अहिले उनी शैक्षिक क्षेत्रमा आफूलाई पूर्ण रूपमा समर्पित गरिरहेकी छिन्।