ब्रिजवेन । 

टुउम्बा  नेप्लिज फुटबल क्लवले गैर आवासीय नेपाली संघ अस्ट्रेलिया क्विन्स्ल्याण्डको साँझेदारीमा पहिलोपटक एनआरएनए  ‘क्विन्स्ल्याण्ड कप’को आयोजना गर्ने भएको छ । 

उक्त  फुटबल खेल डिसेम्बर १२ मा ४११ ह्रुम स्ट्रेट टुउम्बा सिटी क्विन्स्ल्याण्डमा हुने आयोजकले जनाएको छ  । एक दिने फुटबल प्रतियोगितामा क्विन्सल्याण्डका सबैभागबाट नेपाली मुलका खेलाडी सहित  १४ वटा फुटबल टोलीले प्रतिस्पर्धा गर्ने भएका छन् । 

क्विन्स्ल्याण्डमा  बस्नुहुने नेपाली समुदायले खेलमा दर्शकको रुपमा सहभागी भई खेलको शोभाढाई खेलाडीको मनोबल बढाइदिनुहुन गैर आवासीय नेपाली संघ  क्विन्स्ल्याण्ड र नेप्लिज फुटबल क्लव टुउम्बाले आग्रह गरेको छ । 

क्लवका अध्यक्ष कृष्णराम अवालले भने ‘टुउम्बामा बढ्दो नेपालीहरुको  जनसंख्यालाई मध्यनजर गर्दै खेलको माध्यबाट एक अर्कामा एकता र घुममिल गराउने उदेश्य  पहिलो पटक कार्यक्रम आयोजना गरिएको हो ।” 

खेलमा प्रथम हुनेलाई ४  हजार र देस्रो हुनेलाई १५०० पुरस्कार दिने घोषणा गरिएको छ ।  आर्षक पुरस्कार भएर पनि क्विन्स्ल्याण्डका खेलाडीहरु खेलमा सहभागी हुन उत्साहीत भएको अवालले बताए ।