क्यानबेरा । सनातन समाज अस्ट्रेलियाले राजधानी क्यानबेरामाआयोजना गरेको श्रीमद्भागवत महापुराण सप्ताहबाट  क्यानबेरामा पशुपतिनाथ मन्दिर निर्माणका लागि  ८ लाख डलर रकम उठेको छ ।  एक हप्तासम्म चलेको  महायज्ञमा प्रविण पं दीनबन्धु पोखरेल मुख्य वाचक थिए भने  उपवाचक प्रखर ब्याख्याता एवं ज्योतिषाचार्य बालचन्द्र अधिकारी थिए ।

उक्त सप्ताहको पहिलो दिन कलश यात्रा र झांकीबाट श्रीगणेश गरिएको थियो ।  अस्ट्रेलियाका लागी नेपाली राजदूत  कैलाशराज पोखरेलद्वारा उद्घाटन भएको सप्ताहमा   क्यानबेरा क्षेत्र वरपर रहेका भक्तजनहरुको अत्यधिक उपस्थिति थियो । 

हरेक दिन यज्ञपुजन र कथावाचन अनि भजनकृतन हुने गरेतापनि सप्ताहको चौंथो दिन, कृष्णजन्माष्टमी विशेष गरिएको थियो भने छैटौँ दिन लक्ष्यबत्तिमा भक्तालुहरुले आंफैले कातेर ल्याएको अखण्ड लाखवत्ति प्रज्वलन गरिएको थियो । सप्ताह महापुराणको अन्तिम दिन आचार्य राजन शर्माले योगविज्ञान र ध्यानसम्बन्धी विशेष प्रवचन दिएका थिए ।

सप्ताह महायज्ञमा कम्तीमा पनि दशहजार भक्तजनहरुले श्रीमद्भागवत कथा श्रवण गरेको विश्वास गरिएको छ । पशुपतिनाथको मन्दिर बनाउने अभिलाषाका साथ सम्पन्न यो महायज्ञमा भक्तजनहरुले श्रीमद्भागवत महापुराण श्रवण गर्ने अवसर प्राप्त गर्नका साथै र भजनकृतनमा रमाएका देखिन्थे । 

क्यान्बेरामा नेपालीहरुके बाक्लो उपस्थितीसंगै पातलिंदै गएको भावनात्मक सम्बन्धहरुलाई एकीकृत गर्न सफल भएको यस महायज्ञले भविष्यमा पनि नेपालीहरूको साझा उद्देश्यका लागी सबै सामाजिक संघसंस्थाहरुलाई एक हुन प्रेरणा दिएको छ । आध्यात्मिक ज्ञानले जनजनको मनलाई जोड्ने मात्र नभएर कोभीडको बेला र त्यसपछिको तनावलाई भुलाउने औषधीको कार्य समेत गरेको छ । करिव आठ लाख डलरजति आर्थिक सङ्कलन भएपनि यद्यपी अन्तिम हिसावकिताव भने बाँकी रहेको आयोजकले जनाएको छ । यस महायज्ञमा हालसम्म सबैभन्दा धेरै दान गर्ने दाताले $६१,१११ दान गरेका छन्ग । दान गर्ने क्रमलाई निरन्तरता दिने आगामी दिनमा गो फण्ड एकाउन्ट खोलिने र डाईरेक्ट डेविट्को मार्फत दान गर्न सकिने आयोजक समितीले जनाएको छ ।

सबैभन्दाबढी क्याबेरा निवासी राजेश पाठक र रीता पाठकले ६१ हजार १ सय ११ डलर दान गरेका छन् ।

यस सप्ताहमा गैर नेपाली संघका महासचिव राजबावु अधिकारी, देव गुरुङ, चन्द्र तिवारी र क्यानबेराका लिवरल नेता अमरदिप सिंह , भुतपुर्व एम एल ए दिपक गुप्ता र मोन्क्रिफ मन्दिर निर्माण अभियन्ता कृष्ण नादिमपालीको पनि उपस्थिती थियो ।

त्यसै गरी आयोजकले सप्ताह सम्पनार्थ लागेको आय र व्ययको विवरण एक हप्ताभित्र सार्वजनिक गर्ने प्रतिबद्धता जाहेर गरेको छ । यस श्रीमद्भागवत महापुराण सप्ताहमा हामीलाई नेतृत्व गर्ने जीम्मेवारी दिनुभएकोमा सनातन समाज परिवार र क्यानबेराका सामाजिक संघसंस्थाहरुप्रति हार्दिक कृतज्ञता ज्ञापन  गरेको छ । 

सबै भन्दाबढी दान गर्नेहरुको सूची !

साथै क्यानबेराका नेपाली संघसंस्था स्पोर्ट्स क्लबहरु, दाताहरु, स्वयंसेवकहरु र नेपालबाट आउनुभएका बुवाआमाहरुप्रति श्रीमद्भागवत महापुराण सप्ताह मूल आयोजक समितीले कृतज्ञता ज्ञापन गरेको छ ।

श्रीमद्भागवत महापुराण सप्ताह मूल आयोजक समितीको पुरा विज्ञप्ती यहाँ हेर्न सक्नुहुन्छ ।