मेलबर्न । उत्तरी मेलबर्नमा  सक्रिय नेपाली कम्युनिटी डोरेन  मरेण्डमा  मनोज ढुङ्गानाको अध्यक्षतामा ७  सदस्यीय  नयाँ कार्य समिति चयन भएको छ ।

शनिबार  सम्पन्न  साधारण सभाले  नयाँ कार्य समिति चयन गरेको हो। नव निर्वाचित कार्य समितिमा उपाध्यक्ष, सुसन सुबेदी (मदन ) र कोषाध्यक्षमा सम्झना उप्रेती चयन भएका छन्। त्यसैगरी सदस्यहरुमा गंगा आचार्य, नबिन प्रधान र सुजन न्यौपाने निर्वाचित भएका हुन्।

सभाले  नव निर्वाचित सचिव दिपेन्द्र रायलाइ स्वागत गर्नुको साथै पद तथा गोपनियताको सपथ  तथा माइन्युट हस्ताण्तरण गरेको थियो । नव निर्वाचित  सदस्यहरुको पद तथा गोपनियताको सपथ गराईएको थियो ।

कार्य समितीको पहिलो बैठकले निर्वाचन कमिटी लगायत  अघिल्लो  कार्य समितिलाई धन्यवाद दिने निर्णाय पारित गरेको नव  निर्वाचित सचिव दिपेन्द्र रायले जानकारी दिए।

नव निर्वाचित अध्यक्ष  ढुङ्गानाले नयाँ टिममा  युवा र  अनुभवी सदस्यहरु भएकाले  संस्थाको आगामी कार्यक्रम रचनात्मक हुने भन्दै यस क्षेत्रमा बसोवास गर्ने नेपाली समुदायलाई सहयोग गर्न आग्रह गरे।

सभालाई संवोधन गर्दै नव  निर्वाचित सचिव दिपेन्द्र रायले आगामी दिनमा डोरेन-मरेण्डा कम्युनिटीलाई  प्रविधि मैत्री बनाउँदै यस क्षेत्रका  नेपाली समुदायलाई जोड्न सक्रिय रहने बताए। 

डोरेन-मरेण्डा नेप्लिज कम्युनिटी २०१६मा स्थापना भएको हो।