सिड्नी – अमेरिकी राष्ट्रपति डोनाल्ड ट्रम्पद्वारा घोषणा गरिएका ‘लिबरेशन डे’ ट्यारिफहरूको प्रभावले अस्ट्रेलियन शेयर बजारमा ठूलो गिरावट आएको छ। शुक्रबारको प्रारम्भिक कारोबारमा अस्ट्रेलियन शेयर बजार (ASX) १०८.६ अंकले घटेर ७७५१.१ मा झरेको छ, जसका कारण बजारमा करिब ३५ अर्ब डलरको घाटा भएको छ।

यो गिरावट विश्वभरका बजारमा आएको व्यापक मंदीसँग सम्बन्धित छ, जुन ट्रम्पका नयाँ ट्यारिफ घोषणाबाट उत्पन्न भएको हो। यद्यपि, अमेरिकी निर्यातमा मात्र करिब ४ प्रतिशत अस्ट्रेलियन वस्तु जाने भएकाले ट्यारिफको प्रत्यक्ष प्रभाव सीमित रहेको बताइएको छ।

हाल अमेरिकी बजारमा जाने अस्ट्रेलियन वस्तुहरूमा १० प्रतिशत ट्यारिफ लागू गरिएको छ। विशेषज्ञहरूका अनुसार यस कदमले लगानीकर्ताहरूमा त्रास फैलाएको छ र त्यसैले बजारमा गिरावट आएको हो।