अष्ट्रेलियाका आमाहरूको दैनिकी संघर्षपूर्ण छ। उनीहरू नै हुन्, जसले समयअनुसार विभिन्न भूमिका निर्वाह गर्नुपर्छ — एकै साथ आमाको माया, कामकाजी महिलाको दायित्व, र समाजप्रतिको उत्तरदायित्व पनि सम्हाल्नु पर्छ।
यहाँको व्यस्त जीवनशैली, खर्चिलो जीवन, र सन्तानलाई आफ्नै भरमा हुर्काउनु पर्ने जिम्मेवारीका बीचमा आमाहरूको कडा मेहनत र समर्पणले परिवार   र देश निर्माणमा पनि महत्वपूर्ण योगदान दिइरहेका छन्।

अष्ट्रेलियन ब्यूरो अफ स्ट्याटिस्टिक्स (ABS) ले मदर्स डे  को अवसरमा सार्वजनिक गरेको तथ्यांकअनुसार, अष्ट्रेलियामा हाल ६५ लाखभन्दा बढी आमाहरू रहेका छन्। यसले देखाउँछ—शिक्षा, व्यवसाय, मातृत्व र सामाजिक सहभागिता कसरी एउटै जीवनमा सन्तुलनमा अगाडि बढ्न सकिन्छ भन्ने उत्कृष्ट उदाहरण प्रस्तुत गरिएको छ।

जन्मथलो: एक तिहाइ आमाहरू विदेशमै जन्मिएका

तथ्यांक अनुसार, सबैभन्दा धेरै आमा अष्ट्रेलियामै जन्मिएका भए पनि करिब ३५% आमाहरू अन्य मुलुकमा जन्मिएका छन्। शीर्ष १० मुलुकहरू यसप्रकार छन्:

यद्यपि नेपालको संख्या छुट्टै सूचीकृत छैन, पछिल्लो दशकमा नेपाली आप्रवासीको उल्लेखनीय वृद्धिसँगै नेपाली आमाहरूको उपस्थिति उल्लेखनीय रहेको अनुमान गर्न सकिन्छ।

शिक्षा: अष्ट्रेलियाली आमाहरूको प्रमुख योग्यता क्षेत्रहरू

अष्ट्रेलियाली आमाहरूले उच्च शिक्षा हासिल गरेको तथ्यांकले देखाउँछ कि उनीहरू General Nursing जस्ता व्यावसायिक क्षेत्रमा अगाडि छन्।

नेपाली आमाहरू पनि यिनै क्षेत्रमा विशेष गरी aged care, nursing र childcare मा सशक्त रूपमा संलग्न देखिन्छन्।

रोजगारी: आमाहरूको मुख्य पेशागत क्षेत्र

अष्ट्रेलियामा आमाहरू निम्न पेशागत क्षेत्रमा सबैभन्दा धेरै संलग्न छन्

:

नेपाली महिलाहरूको उल्लेखनीय उपस्थिति पनि यिनै क्षेत्रमा देखिन्छ, विशेष गरी Aged Care, Nursing र Child Care मा।

सन्देश: मातृत्व र व्यावसायिकता सँगसँगै

यी तथ्यांकहरूले देखाउँछ कि अष्ट्रेलियाली आमाहरू— चाहे उनीहरू जहाँ जन्मिएका हुन्— सन्तान, परिवार, समाज र पेशा सबै क्षेत्रमा सन्तुलन राखेर सक्रिय छन्।
नेपाली समुदायका आमाहरूका लागि पनि यो प्रेरणादायी उदाहरण हो—मातृत्व केवल घरभित्र सीमित नभई समाज निर्माणमा समेत बराबरी योगदान गर्न सकिन्छ।