क्यानबेरा ।  १२ वर्षीय अभिजोत सिंहको भविष्य अहिले संकटमा परेको छ। अष्ट्रेलियामा जन्मिएका अभिजोत अष्ट्रेलियन नागरिक भए पनि उनका भारतीय मूलका बुबा–आमालाई सरकारले नोभेम्बरसम्म देश छाड्न आदेश दिएको छ।

अभिजोतका आमाबाबु अमनदीप र स्टिभेन सिंह सन् २००९ मा अष्ट्रेलिया आएका थिए र मेलबर्नको पश्चिमी क्षेत्र विन्डम भेलमा बसोबास गर्दै आएका थिए। उनीहरूले वर्षौं ब्रिजिङ भिसामा बस्दै स्थायी आवास पर्खिरहेका थिए। यस वर्ष सुरुमा स्थायी आवास अस्वीकार गर्दै सरकारले उनीहरूलाई देश छाड्न भनेको हो।

बच्चा अष्ट्रेलियामै जन्मिएकोले स्वतः नागरिकता प्राप्त छ। तर, सरकारी निर्णय अनुसार उनका अभिभावक निर्वासनको खतरामा छन्। अभिजोतकी आमा अमनदीपले भनिन् — “उनी कहिल्यै हामीबिना बसेको छैन, अब उनको भविष्य अज्ञात छ।”

परिवारले ट्रिब्युनल र गृह मन्त्रालयमा अपिल गरेका भए पनि हस्तक्षेप नभएको रिपोर्ट छ। वकिल जोसेफ इटालियानोका अनुसार, “अष्ट्रेलियामा जन्मिएका बच्चालाई १० वर्ष पुग्दा नागरिकता प्राप्त हुन्छ। बच्चा अष्ट्रेलियन भए पनि बुबा–आमा डिपोर्ट हुनु न्यायसंगत हो?”

गृह मन्त्री टोनी बर्कले भने — “जोडीले अष्ट्रेलियन कानुनको सम्मान गर्दै बाहिर गएर पुनः आवेदन दिनुपर्छ।” तर वकिलले बताएका छन् कि उनीहरूले अफशोर आवेदन दिन सक्दैनन्, र परिवारले उच्च अदालतमा मुद्दा उठाउने तयारी गरिरहेको छ।

पहिलो पटक प्रकाशित समाचार यहाँ हेर्नुहोस ।