सिड्नी ।

राष्ट्रिय ध्वजाबाहक नेपाल वायुसेवा निगम (नेपाल एयरलाइन्स)को टिकटबाट अस्ट्रेलियाको सिड्नी  हवाईयात्रा गर्न पाइने भएको छ । 

अस्ट्रेलियाको  सिड्नी, युरोपसंगै  एशियाका अन्य विभिन्न देशहरुमा हवाइयात्रा गर्न पाइने नेपाल वायुसेवा निगमले जनाएको छ ।  

अस्ट्रेलियासंग सिधा उडान गर्ने दिपक्षीय समाझदारी कार्यन्वयनमा ढिलाई भएपछि अन्तराष्ट्रिय वायुसेवा निगमसंग द्विपक्षीय सम्झौता गरी यात्रुहरुलाई थप सुविधा दिईएको बताइएको छ । 

निगमका अनुशार अब युरोपका विभिन्न शहर, दक्षिण कोरियाको सोल, कुवेत र बहराइनसम्म यात्रा गर्न सकिने छ । 

निगमका प्रवक्ता करिश्मा श्रेष्ठले सम्झौताबाट एक अर्का वायुसेवाका क्षेत्रमा यात्रुलाई सेवा प्रदान गर्न सहज हुने बताए। सकेसम्म कम ट्रान्जिट समय प्रयोग गरी गरिएको सम्झौतामार्फत यात्रुलाई थप सहजता मिल्ने छ । 

टिकटसम्बन्धी नयाँ व्यवस्थाले निगमलाई थप आय हुने र अन्तर्राष्ट्रिय बजारमा नेपाल एयरलाइन्सको साख बढ्ने निगमको अपेक्षा छ। टिकट निगमको केन्द्रीय कार्यालय र ट्राभल एजेन्सीबाट काट्न सकिने निगमले विज्ञप्तिमार्फत जनाएको छ।

यसका साथै निगमले अमेरिकाका विभिन्न शहरमा यस प्रकारको सम्झौताबाट यात्रुलाई सेवा प्रदान गर्न विभिन्न वायुसेवासँग समन्वय गरिरहेको पनि जानकारी दिएको छ।

गन्तव्य तालिका