अष्ट्रेलिया / सिड्नीको चर्चित बन्डाइ बीच क्षेत्रमा भएको सामूहिक गोलीकाण्डमा कम्तीमा १० जनाको ज्यान गएको पुष्टि भएको छ। मृतकमध्ये दुई जना संदिग्ध आक्रमणकारीमध्ये एक जना पनि रहेको जनाइएको छ। घटनामा घाइते भएका कम्तीमा २५ जनालाई सिड्नीका विभिन्न अस्पतालमा भर्ना गरिएको छ।

साँझ करिब ७ बजे  भन्दा केही समयअघि पुलमाथिबाट दुई जना बन्दुकधारीले अन्धाधुन्ध गोली चलाएको दृश्य घटनास्थलबाट प्राप्त भिडियोमा देखिएको छ। प्रहरीले घटनाको प्रत्यक्ष प्रसारणमार्फत (लाइभ अपडेट) विवरण सार्वजनिक गरिरहेको छ।

न्यू साउथ वेल्सका प्रिमियर क्रिस मिन्सले प्रारम्भिक जानकारी दिँदै आक्रमणकारीहरूले यहूदी समुदायलाई लक्षित गरी आक्रमण गरेको बताएका छन्। यो घटना यहूदी समुदायको महत्वपूर्ण पर्व हानुक्काको पहिलो रातमा भएको जनाइएको छ। घटनाका बेला बन्डाइस्थित आर्चर पार्कमा एक हजारभन्दा बढी मानिसको उपस्थिति रहेको थियो।

दिनदहाडै भएको यस नृशंस गोलीकाण्डपछि बन्डाइ क्षेत्रका स्थानीय बासिन्दा र समुद्रतटका पर्यटकहरू गहिरो शोक र आघातमा परेका छन्। घटना सुरु भएको साढे तीन घण्टापछि समुदायका मानिसहरू एकअर्कासँग सान्त्वना खोज्दै भयावह दृश्यहरूलाई सम्झँदै छन्।

यसैबीच प्रहरीले करिब नौ मिनेटसम्म चलेको उक्त आक्रमणको क्रम र पृष्ठभूमिबारे विस्तृत अनुसन्धान सुरु गरेको छ। 

बन्डाइ गोलीकाण्डबारे प्रधानमन्त्री एन्थोनी अल्बानीजको वक्तव्य

सहयोगका सम्पर्कहरू 

NSW Mental Health Line: 1800 011 511
Lifeline: 13 11 14
टेक्स्ट: 0477 13 11 14 | अनलाइन च्याट उपलब्ध
Kids Helpline: 1800 55 1800 | अनलाइन च्याट उपलब्ध
Beyond Blue: 1300 22 4636 | अनलाइन च्याट उपलब्ध
1800RESPECT: 1800 737 732
टेक्स्ट: 0458 737 732 | अनलाइन च्याट उपलब्ध
13 Yarn (आदिवासी तथा टोरेस स्ट्रेट आइल्याण्डर समुदायका लागि): 13 92 76
MensLine Australia: 1300 78 99 78

यदि तपाईं वा तपाईंले चिन्नु भएको कोही तत्काल खतरामा हुनुहुन्छ भने, ट्रिपल जिरो (000) मा तुरुन्त फोन गर्नुहोस्।