अस्ट्रेलिया । साविक विजेता अष्ट्रेलियाले अक्टोबरबाट हुने टी–ट्वान्टी विश्वकपको लागि खेलाडी घोषणा गरेको छ । घरेलु मैदानमा हुने प्रतियोगिताका लागि उसले टिम डेविडलाई पहिलो पटक स्थान दिँदै टिम घोषणा गरेको हो । विश्वकपका लागि तयार पारिएको अष्ट्रेलियन टोलीमा  गत संस्करणको उपाधि जित्दाको खेलाडीहरु नै छ ।

एक जना खेलाडी मिचेल स्वीपसनको स्थानमा टिमडेविडलाइृ  मौका दिइएको छ । घरेलु टोली अष्ट्रेलियाले २२ अक्टोबरमा न्युजिल्यान्डसँग पहिलो खेल खेल्दै विश्वकपको सुरुवात गर्नेछ । अक्टोबर  १६ बाट अष्ट्रेलियामा सुरु हुने विश्वकपको फाइनल खेल नोवेम्बर १३ हुनेछ । अष्ट्रेलिया सुपर १२ को समूह १ मा छ । अष्ट्रेलिया, अफगानिस्तान, इङ्ल्यान्ड, न्युजिल्यान्ड र पहिलो चरणबाट आउने दुई टोली हुनेछन् । शीर्ष दुईमा पर्न सके सेमिफाइनल खेल्नेछ ।

अस्ट्रेलियाको टोली 

आरोन फिन्च कप्तान, प्याट कमिङ्स (उपकप्तान), एस्टन एगर, टिम डेभिड, जोस हेजलउड, जोश ईंग्लिस, मिचेल मार्श, ग्लेन म्याक्सवेल, केन रिचर्डसन, स्टिभ स्मिथ, मिचेल स्टार्क, मार्कुस स्टोइनिस, म्याथ्यु वेड, डेभिड वार्नर, एडम जाम्पा

यस वर्षको अक्टोबर १६ मा छनोट सुरु हुनेछ र दुई समूहमा विभाजन गरी कुल ८ टोलीले लिग चरणको अन्तिम टी–२० स्थानका लागि प्रतिस्पर्धा गर्नेछन् । लिग चरण अक्टोबर २३ बाट सुरु हुनेछ र फाइनल नोभेम्बर १३ मा हुनेछ ।